لُرِسوني

بِرارُو غَرِيوَهَ نيِ سِيم، خُومُونيِ حَرف بِزنيم وِ اِيما چي تِيروُنَه، لُـرِسوني حَرف بزِنيـم نازي آبادي و تجريشي و شمروني کي يُن وا مِير و بهار وَن و اِسبِسوُني حرف بزنيم شاعَـوِ دل غَظيمِيه تارِفِ اي شهر و ديـار چي اَلِيشتِري بُوييم ، چي دِلفوُني حرف بزنيم نَـه چي رامين و آليس و چي آنا و آتيـلا مِثل آمو بَرفي و مَش باروني حَرف بزنيـم و ايما چي، همَه چي، صَفِي و کُو پِني بِيَه وِ اِيما چـِه مّربُوطَه دِگـروُني حَرف بزنيـم سِيل نَکيم وِي نُونِ و ماسِ کاسهِ پُونصدِ تِمِني دُو کَواويا کِه سيخي پَنج قِروني حرف بزنيم دورِسَـه تَپِسيمـهَ دَه تـا دِ يِه آپـارتِمـو دِيوِخو، بُونيم وِ رَه، لا مَردوني حرف بزنيـم وِ خدا حِيفَه وِ جا او خورِشيا کهِ رَن و رَن دِسوسيس و کالباس و ماکاروني حرف بزنيم پِيل و پارتي، ها کُجا، اِي حَرفيا حَرفِ شِيطُونَن گوشِ شِيطوکَر، بيايد مُوسُلموُني حرف بزنيم مثل اُوسنيا که مِي سوخت، دِلِموسِي يَک تِري دِ غريوي و دِ بِـي هُم زِوُني حرف بزنيـم خَفَه مو کِرد، اِيقَه دِق حَردِيمو و وادِل چِي يِي مُو چي نفس دارو دِاي لالِمُونِـي حرف بزنيـم تو نِيمُو يَواش يَواش سَختِنِه آسو بَکِنِيـم بَنِشِينِيم دُوريَـک، وِ آسوني حرف بزنيـم مِثل اوسنيا که وايک، مي گُتُ و مي خَنسيِم بي غم و غُصَه و بِي دلگروني حرف بزنيـم شُوِ دِيري سَخَته، اما شُو کِه شُو نِمِي مُونَه دوُ روزيا اَفتُووي و آسمونـي حرف بزنيـم بار کِينِم وا گَلُونَه خِيـالِمُو، تا گَـر مِسِيـر مثل کوُکُ و چِي پاپي سِليموُ ني حرف بزنيـم اِيما لُورِيم، اَر مي حايم، لُر هميشه لُر بَمُونـه قَجَريِنِه وِل کِنِيم، کَريِم خوُني حرف بزنيـم و اليـگـودرزي و درُودي و ازنــايـي وا نِهاوَني و وا تِي سِرکوني حرف بزنيـم چي نور آبادي و کُو دَشتي و پِيلِ دُختري وا وروگِـردي وا اشترينـوني حـرف بزنيـم دِرَه شهري بُوينمونو، اَنديمشِکي بَشنوييـم رِيم و ايلام و حُسيه قلي خُوني حرف بزنيـم جُل و جانِـه پَـن بَکِيمـُو و سا اُودارِ بَلِي دِلورَي و رُکُـرکي و رُومـوني حرف بزنيـم شَـن قِطارِ بَونَيِمـو بِرنُونِه بُونِيم وِ شُـو تَرهوني بَه جَنِيمو، دِي لِروني حرف بزنيم کولايي بَونَيمو، دُو سَر سِراوکِه نايِ کَش دايه دايه بُوحوُنيم، رَشنوونِي حرف بزنيـم اِيمابَـچِه کُوکِلا و کَـوَر و ا ِسبـي کوييـم پاپي يُونَه بُوييمُ ورو مِشکوُني حرف بزنيم بَنشِينـم دو کِلَک يـا کِه رِي آو سِيِـمره کُو کَلايي، کوَرَي، کيه مُوُنِي حـرف بزنيـم دُوني اَصلاً چِي بَکِيم، خِيال بَکِيم، هِيسِيم دِ شَهر دُو شَهرِ قَشَنِمو، وِ شَه جُوني حرف بزنيـم بَشينيم پا کُمونچِه پيـر وَلِي و علي رضـا ساعتي دِير دِغمُ و پريشوُني حـرف بزنيـم بِرارُو خيال بَکِيم، اي سِيزَه، سِيـزِه خُومونَـه بِزِنيم وِ درَ و بـاغ سِيِـدوني حرف بزنيـم يايِه مُو بَمُونَه روز جُومَه، بار کولُه وِ شـو سِـرُوِ شَهـوا و اَنجِيـرسُوني حرف بزنيـم چِله يانِـه بُونيمُـو وُو گرِدِکُونيـا کِه بُولِـن چَم و خَم بَکِيم و چَشمَک پِروني حرف بزنيـم تـا وِ سُو دارَهَ ميـا، بَچُوريمـو لُوِ گِلال گيژِ حاج شاکُلِيُ وِ گيژ آخُوني حرف بزنيم چه خووُه رِي چَمَنيا که شَهنَوازي، چي اُوسِه بَردِ گِلهَ جَم بَکيموُ دال پَلُوني حرف بزنيـم شُوِ جُومُهَ، شَم وِ دَس؛ رِيمُو آقا زِينِم علـي درد دِل بُکيمُو دِي سرگردوني حرف بزنيـم سَرِ بونيـانِه اِيـوارَه، آو و جارُو بَکِنيـم شُو نِشيني رِيمُو، شانُومَه خُونِي حرف بزنيـم ايمـا اَهلِ گُلِ زرد و گردُوُ و گُلِسُـونيـم گُلِ زردِي، گردُوويي، گُلِسوني حرف بزنيـم خِيال بکَيم، هِيسِيم دِ دَر دِلاکِي و پُشت بازار دَرِ باو طارِي و سَبزَه مِيـدوني حرف بزنيم چِني خُووَه چي بَچونِ سِه سيکُ و پاسَنَري باغ فِيضي بخنيم، باج گيروُني حرف بزنيـم با مِثـلِ بَچـونِ دُوبـرارَه و دَرآقايــي يا چي سَر گَپ يا کِه ماهيگيروُني حرف بزنيم حُونـِه کُونِي ريمُو تا کِيو و گردُو بَردينـه آوِ اِراز بَـوحُوريم؛ گُلِسـوني حـرف بزنيـم سَرِي هم بَکَشيمُو دو پَس کِيچيا کِه خرُمُووه دُو کُلِنجـه دِوَرِ لُـوِ بُوني حـرف بزنيـم پَنجِريانِه وا کِنيم، بهار بيا وِ حُونَهَ مُـو پِيرِمُوِ کِرد غَرِيوي، دِ جِوُوني حرف بزنيـم بارو بُونَه نِه بَوَنِيـم، رِيمُـو شازَهَ عَـودِلا لُوِ َچشمَه، سَـرِاُو سُوزِلُـونـي حرف بزنيـم دَس بي رِيم دِ دَسِ يارو مِثلِ دُوروُنِ شبـاب دِ وِنُو کِه خُوم دُونِم و خُود دُونِي حرف بزنيم